LPG Subsidy Aadhaar e-KYC : ગેસ સિલિન્ડર પર સબસિડી મેળવવી છે? આજે જ કરાવી લો e-KYC, નહીં તો અટકી શકે લાભ

LPG ગ્રાહકો માટે 1 ઓક્ટોબર 2026થી મોટો નિયમ લાગુ થવા જઈ રહ્યો છે. પેટ્રોલિયમ અને નેચરલ ગેસ મંત્રાલય અનુસાર, સબસિડી સાથે નિયંત્રિત રિટેલ વેચાણ કિંમત (RSP) પર ઘરેલુ LPG રિફિલ બુક કરવા માટે બાયોમેટ્રિક આધાર ઓથેન્ટિકેશન (BAA) પૂર્ણ કરેલું હોવું જરૂરી રહેશે. એટલે જે ગ્રાહકોએ હજુ સુધી બાયોમેટ્રિક e-KYC પૂર્ણ કરી નથી, તેમણે 1 ઓક્ટોબર પહેલાં આ પ્રક્રિયા પૂર્ણ કરી લેવી જરૂરી છે.

e-KYC નહીં કરાવો તો ગેસ બંધ થશે?
સરકારે સ્પષ્ટ કર્યું છે, કે e-KYC ન કરાવનાર ગ્રાહકોને LPG મળવાનું સંપૂર્ણપણે બંધ થશે એવું નથી. જોકે, તેઓ સબસિડી સાથે નિયંત્રિત કિંમતે સામાન્ય 14.2 કિલોના રિફિલનું બુકિંગ કરી શકશે નહીં. BAA પૂર્ણ કર્યા બાદ જ સબસિડી સાથે RSP પર રિફિલ બુકિંગની સુવિધા ચાલુ થશે. જે ગ્રાહકો BAA કરાવવા ઇચ્છતા નથી અથવા કોઈ કારણસર કરી શકતા નથી, તેઓ OMCના ડિજિટલ માધ્યમથી પોતાની પસંદગી નોંધાવી શકે છે. ત્યારબાદ સ્થાનિક ઉપલબ્ધતા મુજબ તેમને 5 કિલો અથવા 10 કિલોનો સિલિન્ડર સબસિડી વગર બજાર ભાવે આપવામાં આવી શકે છે.

14.2 કિલોના સિલિન્ડર પર કેટલી સબસિડી?
સરકારના સપ્ટેમ્બર 2026ના આંકડા મુજબ ઘરેલુ LPG પર અંદાજિત સબસિડી આશરે ₹210 પ્રતિ 14.2 કિલો સિલિન્ડર છે. જૂન 2026માં આ રકમ પ્રતિ સિલિન્ડર ₹721 સુધી પહોંચી હતી. એટલે સબસિડી માટે પાત્ર ગ્રાહકો માટે BAA પૂર્ણ કરાવવી મહત્વપૂર્ણ બની છે.

Also Read

Bank Strike ટળી! સરકારે માંગણીઓ સ્વીકારી કે માત્ર વાતચીત પર સહમતી? જાણો આખું કારણ

ઘરે બેઠા પણ કરી શકશો e-KYC
LPG ગ્રાહકોને e-KYC માટે ગેસ એજન્સીની મુલાકાત લેવી ફરજિયાત નથી. સરકારના જણાવ્યા મુજબ ડિલિવરી સમયે ગેસ ડિલિવરી કર્મચારી OMCની મોબાઇલ એપ દ્વારા બાયોમેટ્રિક ઓથેન્ટિકેશન પૂર્ણ કરી શકે છે. ગ્રાહકો પોતાના LPG વિતરકના શોરૂમમાં જઈને પણ આ પ્રક્રિયા કરાવી શકે છે. આ ઉપરાંત ઘરે બેઠા OMCની મોબાઇલ એપ દ્વારા પણ BAA પૂર્ણ કરી શકાય છે:

Also Read

Mehsana : “એ જીગર… તું તારા મા-બાપનું તો વિચાર!” મહિલા પોલીસકર્મીની વાત દિલ સુધી પહોંચી, કલાકોની સમજાવટ બાદ યુવકનો જીવ બચ્યો

• Indane: IndianOil ONE એપ
• Bharatgas: HelloBPCL એપ
• HP Gas: HP PAY એપ

PMUY પોર્ટલ પર સ્વયં e-KYC કરવાની પ્રક્રિયા અંગેના વીડિયો ટ્યુટોરિયલ પણ ઉપલબ્ધ કરાવવામાં આવ્યા છે.