7000 કિમી સ્પીડ, 600 કિમી રેન્જ… ભારતની ‘રુદ્રમ-3’ મિસાઈલનું ઈન્ટિગ્રેટ પરીક્ષણ સફળ, જાણો ખાસિયત | India Successful Test: Rudram 3 Hypersonic Missile Integrated With Sukhoi Su 30MKI

Rudram-3 Missile Test : ભારતની સંરક્ષણ ક્ષમતાને નવી ઊંચાઈ આપવા DRDO દ્વારા વિકસિત સ્વદેશી હાઈપરસોનિક મિસાઈલ ‘રુદ્રમ-3’ ને વાયુસેનાના અત્યાધુનિક લડાયક વિમાન સુખોઈ (Sukhoi Su-30MKI) સાથે ઈન્ટિગ્રેટ કરવાના પરીક્ષણમાં મહત્વની સફળતા મળી છે. આ મિસાઈલના જોડાણથી વાયુસેનાની ‘સપ્રેશન ઓફ એનિમિ એર ડિફેન્સ’ (SEAD) એટલે કે એન્ટી એર ડિફેન્સ સિસ્ટમને નષ્ટ કરવાની વ્યુહરચના વધુ મજબૂત બનશે.

આ પડકારજનક પ્રોજેક્ટ માટે વિમાનના માળખા અને ઈલેક્ટ્રોનિક સિસ્ટમમાં જરૂરી ફેરફારો કરાયા હતા. તાજેતરના પરીક્ષણમાં સફળ ફાયરિંગ દ્વારા સુખોઈ વિમાન આ ભારે હથિયાર વહન કરવા સક્ષમ હોવાનું સાબિત થયું છે. આ પ્રોજેક્ટ વાયુસેનાના ‘સુપર સુખોઈ અપગ્રેડ પ્રોગ્રામ’ નો ભાગ છે, જેનાથી ફાઈટર જેટ ન્યૂ જનરેશન રડાર અને આધુનિક સેન્સર્સથી સજ્જ બનશે. પ્રાદેશિક સુરક્ષાની દ્રષ્ટિએ આ ક્ષમતા ચીન અને પાકિસ્તાન સામે ભારતને સરસાઈ આપશે અને સંરક્ષણ ક્ષેત્રે આત્મનિર્ભરતા મજબૂત કરશે.

Also Read

મુસાફરોને કન્ફર્મ સીટ છતાં ઉભા-ઉભા કરવી પડી સફર! કન્ઝ્યુમર કોર્ટે રેલવે વિભાગને જવાબદાર ઠેરવ્યું, આપ્યો કડક આદેશ | Consumer Court compensation to railway passengers standing journey

રુદ્રમ-3 મિસાઈલની મુખ્ય ખાસિયતો

Also Read

વડોદરાના પ્રવાસીઓની બસ પર મધ્યપ્રદેશમાં મધરાતે પથ્થરમારો | stone pelting on luxury bus of vadodara

• તે હવામાંથી લોન્ચ કરવામાં આવતી એન્ટી-રેડિયેશન અને પ્રિસિઝન સ્ટ્રાઈક હાઈપરસોનિક મિસાઈલ છે.
• આ મિસાઈલની પ્રહાર ક્ષમતા આશરે 550 થી 600 કિલોમીટર સુધીની છે.
• તે 550 કિમીથી વધુ દૂરથી હુમલો કરી શકતી હોવાથી ફાઈટર જેટ્સે દુશ્મનના હવાઈ ક્ષેત્રમાં પ્રવેશ કરવો નહીં પડે, જેથી પાયલોટોનું જોખમ ઘટશે.
• મિસાઈલની ઝડપ મેક-5 થી વધુ એટલે કે કલાકના 6000 થી 7000 કિલોમીટર જેટલી છે.
• હુમલાના અંતિમ ચરણમાં (ટર્મિનલ ફેઝ) તે મેક-5 થી મેક-5.5 ની ગતિ પકડી લે છે, જેથી તેને આંતરીને તોડી પાડવી અશક્ય બને છે.
• મિસાઈલમાં ડ્યુઅલ પલ્સ્ડ સોલિડ રોકેટ મોટર છે, જે તેને જટિલ ઉડાન ભરીને એર ડિફેન્સ સિસ્ટમને ચકમો આપવામાં મદદ કરે છે.
• તેમાં અત્યાધુનિક ગાઈડન્સ અને ટાર્ગેટિંગ સિસ્ટમ છે, જે ઇલેક્ટ્રોનિક જેમિંગ વચ્ચે પણ સચોટ નિશાન સાધે છે.
• આ મિસાઈલ દુશ્મનના રડાર નેટવર્ક, એર ડિફેન્સ સિસ્ટમ, બંકર અને સૈન્ય ઠેકાણાઓને લાંબા અંતરેથી નષ્ટ કરી શકે છે.