ડિજિટલ પેમેન્ટમાં નવો યુગ : AI એજન્ટ UPIથી ખરીદી કરશે | New era in digital payments: AI agent will make purchases through UPI

– ટેકનોલોજીનું કોમ્બિનેશન ચર્ચામાં આવ્યું 

– યુઝરે પસંદ કરેલા ભાવે ગોલ્ડ આવતા એઆઈ ખરીદી કરીને તેનું યુપીઆઈના માધ્યમથી પેમેન્ટ કરી દેશે

Also Read

વાહન વગર દિવસમાં 200 લિટરથી વધુ ડીઝલ નહીં મળે : પ્રતિબંધો લાગુ | No more than 200 liters of diesel per day without a vehicle: Restrictions in place

નવી દિલ્હી : એઆઈને કારણે અનેક નોકરીઓમાં બદલાવ આવી રહ્યો છે. એઆઈની અસર ટ્રેડિંગમાં પણ જોવા મળી રહી છે. ઘણા ઈન્વેસ્ટર્સ એઆઈ પાસેથી ટિપ્સ લઈને ટ્રેડિંગ કરી રહ્યા છે. ત્યારે, હવે, એઆઈ અને યુપીઆઈનું ગજબનું કોમ્બિનેશન ચર્ચામાં આવ્યું છે. ભારતમાં યુપીઆઈ સવસ હિટ રહી છે ત્યારે, ચર્ચાઓ ચાલી રહી છે કે, હવે તમે ગોલ્ડને પણ એઆઈ અને યુપીઆઈના કોમ્બિનેશનથી ખરીદી શકશો.  નવી ટેકનોલોજી હેઠળ એઆઈ એજન્ટ યુઝરે નક્કી કરેલી શરતો પર નજર રાખશે અને જો શરત પૂર્ણ થતી હશે તો બિઝનેસ ટ્રાન્ઝેક્શન કરી લેશે. ઉદાહરણ તરીકે, ડિજિટલ ગોલ્ડ પ્લેટફોર્મ પર યુઝર એક નિયમ નક્કી કરી શકે છે કે, ગોલ્ડનો ભાવ ચોક્કસ સ્તરથી નીચે જાય તો આટલું ગોલ્ડ ખરીદવું. ત્યારબાદ, એઆઈ સતત ભાવ પર નજર રાખશે અને યોગ્ય સમયે યુપીઆઈ દ્વારા પેમેન્ટ કરીને ગોલ્ડની ખરીદી કરશે. જાણકારોના મતે, આ ટેકનોલોજી ગોલ્ડની ખરીદી પૂરતી સીમિત નહીં રહે. ભવિષ્યમાં એઆઈ એજન્ટ યુઝર માટે ઓનલાઇન ખરીદી દરમિયાન ડિસ્કાઉન્ટ શોધશે. રેટને સરખાવશે અને યોગ્ય ઓફર પસંદ કરીને યુપીઆઈથી પેમેન્ટ કરશે. આ રીતે હવેથી સેલ દરમિયાન પર યુઝર્સના કામમાં ઘટાડો થશે.  ભારતમાં પહેલાથી જ યુપીઆઈ પેમેન્ટ સફળ રહ્યા છે ત્યારે તેના એઆઈ રુપ માટે પણ ઉત્સાહ જોવા મળી રહ્યો છે. 

Also Read

જાહ્નવી કપૂર પણ હવે હોરર ફિલ્મોની હોડમાં સામેલ થશે | Janhvi Kapoor will now also join the race for horror films