યુએસના એક ફેડરલ જજે રાષ્ટ્રપતિ ડોનાલ્ડ ટ્રમ્પના વહીવટને મોટો ફટકો આપ્યો. કોર્ટે તેમના પ્રથમ ચૂંટણી સંબંધિત એક્ઝીઇક્યુટિવ ઓર્ડરના મોટાભાગના ભાગોના અમલીકરણને કાયમ માટે અવરોધિત કરી દીધો. ટ્રમ્પના આદેશમાં મતદાન માટે નોંધણી કરાવનારા લોકો પાસેથી નાગરિકતાના દસ્તાવેજી પુરાવા ફરજિયાત કરવાનો પ્રસ્તાવ મૂકવામાં આવ્યો હતો. કોર્ટના નિર્ણય બાદ, આ નિયમ હાલ પૂરતો લાગુ થશે નહીં.
બોસ્ટનમાં યુએસ ડિસ્ટ્રીક્ટ કોર્ટના ન્યાયાધીશ ડેનિસ કેસ્પરે આ ચુકાદો આપ્યો. અગાઉ, ગયા વર્ષે, તેમણે ટ્રમ્પ વહીવટીતંત્ર દ્વારા ચૂંટણી પ્રણાલીમાં ફેરફાર કરવાના અનેક પ્રયાસોને અસ્થાયી રૂપે અવરોધિત કર્યા હતા. હવે, તે પ્રતિબંધ કાયમી બનાવવામાં આવ્યો છે. ટ્રમ્પ વહીવટીતંત્રે દલીલ કરી હતી કે મુકદ્દમો અકાળે દાખલ કરવામાં આવ્યો હતો, અને તે સમયે નિયમો અમલમાં નહોતા. જોકે, કોર્ટે આ દલીલને ફગાવી દીધી હતી.
ન્યાયાધીશે જણાવ્યું હતું કે યુએસ બંધારણ રાજ્યો અને કોંગ્રેસને ચૂંટણીઓને નિયંત્રિત કરવાની સત્તા આપે છે. રાષ્ટ્રપતિ પાસે ચૂંટણીઓ પર કોઈ ખાસ અધિકાર નથી. ટ્રમ્પના આદેશમાં એવો પણ પ્રસ્તાવ મૂકવામાં આવ્યો હતો કે ચૂંટણી દિવસ પછી પ્રાપ્ત થયેલા મેઇલ-ઇન બેલેટને અવગણવામાં આવે, ભલે તે ચૂંટણી દિવસ સુધીમાં પોસ્ટમાર્ક કરવામાં આવ્યા હોય. વધુમાં, આદેશનું પાલન ન કરનારા રાજ્યો પાસેથી કેટલાક ફેડરલ ભંડોળ રોકવાની જોગવાઈ હતી.
ન્યૂ યોર્ક એટર્ની જનરલ લેટિટિયા જેમ્સે નિર્ણયનું સ્વાગત કર્યું. તેણીએ કહ્યું કે કોર્ટે ટ્રમ્પના ચૂંટણીઓને નિયંત્રિત કરવાના ગેરબંધારણીય પ્રયાસને અવરોધિત કર્યો છે. જેમ્સે કહ્યું કે પેઢીઓ મતદાનના અધિકારને સુરક્ષિત કરવા માટે લડી છે, અને તેથી, આ અધિકારનું રક્ષણ કરવું આવશ્યક છે. વ્હાઇટ હાઉસ અને ન્યાય વિભાગને આ નિર્ણય પર ટિપ્પણી કરવા માટે વિનંતી કરવામાં આવી હતી, પરંતુ કોઈ તાત્કાલિક પ્રતિભાવ મળ્યો નથી.
ટ્રમ્પ વિરુદ્ધ કોર્ટના નિર્ણયોની શ્રેણીમાં આ નિર્ણય બીજા મોટો આંચકો છે. તેમના ચૂંટણી સંબંધિત એક્ઝીક્યુટિવ ઓર્ડરને પહેલાથી જ કોર્ટમાં પડકારવામાં આવ્યા છે. તેમના બીજા કાર્યકાળની શરૂઆતના થોડા સમય પછી, ટ્રમ્પે ચૂંટણી સંબંધિત બીજા એક્ઝીક્યુટિવ ઓર્ડર જારી કર્યો. તે આદેશ પણ અસંખ્ય કાનૂની પડકારોનો સામનો કરી રહ્યો છે. આ નવા આદેશમાં રાષ્ટ્રીય મતદાતા યાદી બનાવવાનો અને મેઇલ-ઇન બેલેટના ઉપયોગ પર ચોક્કસ નિયંત્રણો લાદવાનો પ્રયાસ કરવામાં આવ્યો હતો. જો કે, આ આદેશને કોર્ટમાં પણ પડકારવામાં આવ્યો છે અને તેની સામે ઘણા કાનૂની કેસ પેન્ડીંગ છે.
ગયા વર્ષે, વોશિંગ્ટન, ડી.સી.માં એક ફેડરલ કોર્ટે પણ ટ્રમ્પ વહીવટીતંત્રને ફટકો આપ્યો હતો. કોર્ટે સરકારને ફેડરલ મતદાર નોંધણી ફોર્મમાં નાગરિકતા પુરાવાની આવશ્યકતા ઉમેરવાથી રોકી દીધી હતી. તે જ ન્યાયાધીશે પાછળથી બીજા આદેશ જારી કર્યો હતો, જેમાં સંરક્ષણ વિભાગને મતદાન માટે નોંધણી કરાવતી વખતે અથવા મતદાનની વિનંતી કરતી વખતે લશ્કરી કર્મચારીઓ પાસેથી નાગરિકતાના દસ્તાવેજી પુરાવાની આવશ્યકતા રાખવાથી અટકાવ્યો હતો.
ટ્રમ્પ હવે કાયદા દ્વારા આવી સિસ્ટમ લાગુ કરવાનો પ્રયાસ કરી રહ્યા છે. રિપબ્લીકન કાયદા ઘડનારાઓએ સેવ અમેરિકા એક્ટ નામનું બિલ રજૂ કર્યું છે. આ બિલ હાઉસ ઓફ રિપ્રેઝન્ટેટિવ્સમાં પસાર થઈ ગયું છે પરંતુ સેનેટમાં અટકી ગયું છે. આ જ કારણ છે કે ટ્રમ્પ ફિલિબસ્ટર નિયમને નાબૂદ કરવાની માંગ કરી રહ્યા છે, જે બિલને આગળ વધતા અટકાવી રહ્યું છે.
Follow Us On Google News
Follow Us On WhatsApp
Follow Us On facebook
Leave a Comment