અમદાવાદના ગોમતીપુરમાં નજીવી બાબતે થયેલી મારામારીમાં યુવકની હત્યા, પોલીસ તપાસ શરૂ

Crime news : અમદાવાદના ગોમતીપુર વિસ્તારમાં નજીવી બાબતે થયેલી મારામારીની ઘટના હત્યામાં પલટાઈ છે. ચારતોલા કબ્રસ્તાન નજીક થયેલા હુમલામાં ગંભીર રીતે ઈજાગ્રસ્ત થયેલા યુવકનું સારવાર દરમિયાન મોત નિપજતાં સમગ્ર વિસ્તારમાં ચકચાર મચી ગઈ છે. બનાવ બાદ ગોમતીપુર પોલીસે હત્યાનો ગુનો નોંધીને તપાસ શરૂ કરી છે.

મેડિકલ સ્ટોર પાસે બોલાચાલીથી મામલો બગડ્યો

મળતી માહિતી અનુસાર, ગોમતીપુરના ચારતોલા કબ્રસ્તાન નજીક આવેલા એક મેડિકલ સ્ટોર પાસે ભોગ બનનાર યુવક અને સ્ટોર સાથે સંકળાયેલા વ્યક્તિ વચ્ચે કોઈ મુદ્દે બોલાચાલી થઈ હતી. શરૂઆતમાં સામાન્ય લાગતો વિવાદ થોડા જ સમયમાં ઉગ્ર બની ગયો હતો. વાત વધતાં બંને પક્ષ વચ્ચે તણાવ સર્જાયો અને ઘટનાએ હિંસક વળાંક લીધો હતો.

Also Read

અમદાવાદમાં શરમજનક ઘટના: 1 લાખ પાછા લેવા ધર્મની બહેને ભાઈની નવજાત બાળકી વેચી મારી

તીક્ષ્ણ હથિયારથી હુમલો, યુવક લોહીલુહાણ થયો

Also Read

HRA, TA અને DAના મર્જરથી બદલાઈ શકે છે પગાર સ્લિપ,બેઝિક સેલરીમાં 65% વધારો થશે?

બોલાચાલી બાદ ઉશ્કેરાયેલા શખસે યુવક પર તીક્ષ્ણ હથિયાર વડે હુમલો કર્યો હોવાનું સામે આવ્યું છે. આડેધડ ઘા મારાતા યુવક ગંભીર રીતે ઈજાગ્રસ્ત થઈ જમીન પર ઢળી પડ્યો હતો. બનાવ બનતાં જ આસપાસના લોકો દોડી આવ્યા હતા અને લોહીલુહાણ હાલતમાં યુવકને તાત્કાલિક સારવાર માટે હોસ્પિટલમાં ખસેડવામાં આવ્યો હતો.

સારવાર દરમિયાન મોત, પોલીસે હત્યાનો ગુનો નોંધ્યો

હોસ્પિટલમાં સારવાર દરમિયાન યુવકનું મોત નિપજતાં સમગ્ર મામલો હત્યામાં ફેરવાયો છે. ઘટનાની જાણ થતાં ગોમતીપુર પોલીસનો કાફલો સ્થળ પર તેમજ હોસ્પિટલ ખાતે પહોંચ્યો હતો. હાલ પોલીસે હત્યાનો ગુનો નોંધીને હુમલાખોરની ભૂમિકા, વિવાદનું સાચું કારણ અને સમગ્ર ઘટનાક્રમ અંગે વધુ તપાસ શરૂ કરી છે.