જામનગરમાં ગઈ રાતે પ્રોહિબિશનના 5 ગુનાઓ નોંધાયા : રૂ.87 હજારથી વધુનો દારૂ અને આથો ઝડપાયો | Jamnagar Bootlegging Crackdown: 5 Prohibition Cases Registered Liquor Worth 87 000 Seized

Jamnagar Police : જામનગર શહેરમાં પ્રોહિબિશન એક્ટના ભંગ બદલ અલગ-અલગ પોલીસ સ્ટેશનોમાં કુલ 5 ગુનાઓ નોંધાયા છે. પોલીસ દ્વારા હાથ ધરાયેલી કાર્યવાહી દરમિયાન વિદેશી દારૂ, દેશી દારૂ બનાવવાનો કાચો આથો તથા અન્ય મુદ્દામાલ મળી કુલ રૂપિયા 87 હજારથી વધુનો મુદ્દામાલ કબજે કરવામાં આવ્યો છે.

સીટી ‘સી’ ડિવિઝન પોલીસ દ્વારા ચારણનેશ વિસ્તારમાં દરોડો પાડી નાથીબેન જીવનભાઈ ધોડાના મકાનમાંથી દેશી દારૂ બનાવવાનો 20 લીટર કાચો આથો કબજે કરવામાં આવ્યો હતો. આરોપી સ્થળ પરથી ફરાર મળી આવતા તેને વોન્ટેડ જાહેર કરવામાં આવી છે.

Also Read

અલકાપુરીના શ્રીમ શાલીની મોલમાં ગેરકાયદે બાંધકામો સામે તંત્રની કાર્યવાહી | VMC Demolition Drive: Action Against Illegal Construction At Shreem Shalini Mall In Alkapuri

તે જ પોલીસ સ્ટેશનની અન્ય કાર્યવાહીમાં ગોકુલનગર વિસ્તારમાંથી સાવન સંજયભાઈ જાદવાણી (ઉ.વ. 25)ને 24 શીલબંધ વિદેશી દારૂના ચપટા સાથે ઝડપી પાડવામાં આવ્યો હતો. કબજે કરાયેલા દારૂની કિંમત રૂ.4,320 હોવાનું જાણવા મળ્યું છે.

Also Read

IPL 2027: રિષભ પંતની દિલ્હી કેપિટલ્સમાં ‘ઘરવાપસી’! બદલામાં આ ઘાતક સ્પિનર LSGમાં જશે: રિપોર્ટ | ipl 2027 rishabh panttrade delhi capitals kuldeep yadav lsg

સીટી ‘એ’ ડિવિઝન પોલીસ દ્વારા સાધના કોલોની વિસ્તારમાંથી ભલાભાઈ દેશાભાઈ સોલંકી (ઉ.વ.62) પાસેથી વિદેશી દારૂનું એક ચપટું કબજે કરી પ્રોહિબિશન એક્ટ હેઠળ ગુનો નોંધવામાં આવ્યો છે.

સીટી ‘બી’ ડિવિઝન પોલીસ દ્વારા સ્વામીનારાયણનગર-ડ્રીમ સિટી વિસ્તારમાં દરોડો પાડી વિવિધ બ્રાન્ડની વિદેશી દારૂની બોટલો, ચપટા અને બીયરના ટીન મળી કુલ રૂ.82,300નો મુદ્દામાલ કબજે કરવામાં આવ્યો હતો. આ કેસમાં દિવ્યરાજસિંહ જુવાનસિંહ વાળા સામે ગુનો નોંધાયો છે. દરોડા સમયે આરોપી હાજર મળી આવ્યો ન હતો.

આ ઉપરાંત કબીર આવાસ વિસ્તારમાંથી સમીર ઉર્ફે મલ્લો રજાકભાઈ અંસારી (ઉ.વ. 22) ને 5 વિદેશી દારૂના ચપટા સાથે ઝડપી પાડી કાયદેસરની કાર્યવાહી હાથ ધરવામાં આવી છે.

જામનગર શહેર પોલીસ દ્વારા પ્રોહિબિશન એક્ટના ભંગ બદલ નોંધાયેલા આ તમામ ગુનાઓમાં વધુ તપાસ હાથ ધરવામાં આવી રહી છે. પોલીસ દ્વારા દારૂના વેપાર અને સંગ્રહ સામે સતત કાર્યવાહી ચાલુ રાખવામાં આવી રહી છે.