અફઘાનિસ્તાને વર્લ્ડ કપ 2027 માટે ક્વોલિફાય કર્યું, હવે બે વખતની ચેમ્પિયન વેસ્ટ ઈન્ડિઝ પર ટૂર્નામેન્ટમાંથી બહાર થવાનું સંકટ

અફઘાનિસ્તાને વનડે વર્લ્ડ કપ 2027 માટે ડાયરેક્ટ ક્વોલિફિકેશન મેળવી લીધું છે. અફઘાનિસ્તાન આગામી વનડે વર્લ્ડ કપમાં સીધી એન્ટ્રી મેળવનારી 9મી ટીમ બની ગઈ છે.

ભારત, ઓસ્ટ્રેલિયા, ઈંગ્લેન્ડ, ન્યુઝીલેન્ડ, પાકિસ્તાન અને શ્રીલંકા પહેલાથી જ વર્લ્ડ કપમાં પોતાનું સ્થાન પાક્કુ કરી ચૂક્યા છે. આ ઉપરાંત દક્ષિણ આફ્રિકા અને ઝિમ્બાબ્વેને યજમાન દેશ હોવાના નાતે ઓટોમેટિક ક્વોલિફિકેશન મળેલું છે.

બે વારની ચેમ્પિયન વેસ્ટઈન્ડીઝની મુશ્કેલીઓ વધી
હવે વર્લ્ડ કપમાં સીધી એન્ટ્રી મેળવવા માટે માત્ર એક જ સ્પોટ બાકી રહ્યો છે, જેના માટે બાંગ્લાદેશ અને વેસ્ટઈન્ડીઝ વચ્ચે રેસ ચાલી રહી છે.

Also Read

Rishabh Pant Uttarakhand : રિષભ પંતને અડધી રાતે શું થયું? CMની મદદ કેમ લેવી પડી, દિલ્હી છોડવાની તૈયારી શા માટે?

જોકે, બે વારની ચેમ્પિયન રહી ચૂકેલી વેસ્ટઈન્ડીઝ આ રેસમાંથી લગભગ બહાર થઈ ગઈ છે. આઈસીસી વનડે રેન્કિંગમાં 10મા સ્થાને રહેલી વેસ્ટઈન્ડીઝ પાસે 30 સપ્ટેમ્બરની કટ-ઓફ ડેટ પહેલાં ભારત સામે માત્ર બે જ વન-ડે મેચ બાકી છે.

Also Read

Ankleshwar Panoli Railway Station Mobile Snatching : પાનોલી સ્ટેશને ફોન લૂંટવાનો પ્રયાસ જીવલેણ બન્યો, મુસાફર 100 મીટર સુધી ટ્રેન સાથે ઢસડાયા

બાંગ્લાદેશનું ક્વોલિફાય થવું લગભગ નિશ્ચિત
સપ્ટેમ્બરમાં ભારત અને બાંગ્લાદેશ વચ્ચે પ્રસ્તાવિત વનડે સીરીઝ જો રદ થાય કે ટાઈ થાય તો પણ રેન્કિંગમાં 9મા સ્થાને રહેલા બાંગ્લાદેશનું વર્લ્ડ કપમાં જવું લગભગ નક્કી જ માનવામાં આવે છે.

વર્તમાન પરિસ્થિતિમાં ભારતનો બાંગ્લાદેશ પ્રવાસ મુશ્કેલ દેખાઈ રહ્યો છે, જેનાથી બાંગ્લાદેશ ડાયરેક્ટ ક્વોલિફાય કરી લેશે અને વેસ્ટઈન્ડીઝને ક્વોલિફાયર ટૂર્નામેન્ટ રમવી પડશે.