અફઘાનિસ્તાનનો આયર્લેન્ડ સામે દબદબો યથાવત! 42 રને ચોથો વન-ડે જીતીને લગાવી જીતની હેટ્રિક, રચ્યો નવો ઈતિહાસ

ચોથા વન-ડેમાં ટોસ હારીને પ્રથમ બેટિંગ કરવા ઉતરેલી અફઘાનિસ્તાનની ટીમે 50 ઓવરમાં 9 વિકેટ ગુમાવીને 343 રન બનાવ્યા હતા. વન-ડે ક્રિકેટ ઈતિહાસમાં અફઘાન ટીમનો આ અત્યાર સુધીનો સૌથી મોટો સ્કોર છે. આ પહેલા તેમણે 2024માં શ્રીલંકા સામે 339/6નો સ્કોર બનાવ્યો હતો. 344 રનના વિશાળ લક્ષ્યાંકનો પીછો કરવા ઉતરેલી આયર્લેન્ડની ટીમ 48 ઓવરમાં 301 રન બનાવીને ઓલઆઉટ થઈ ગઈ હતી.

બીજી વિકેટ માટે 231 રનની ઐતિહાસિક ભાગીદારી
અફઘાનિસ્તાનની શરૂઆત ખરાબ રહી હતી અને બીજી જ ઓવરમાં રહમાનુલ્લાહ ગુરબાઝ (12) આઉટ થઈ ગયા હતા. પરંતુ ત્યારબાદ ઇબ્રાહિમ ઝાદરાન અને સેદિકુલ્લાહ અટલે મોરચો સંભાળ્યો હતો. બંને વચ્ચે બીજી વિકેટ માટે 220 બોલમાં 231 રનની રેકોર્ડ ભાગીદારી થઈ હતી. અફઘાનિસ્તાન માટે વન-ડેમાં આ ત્રીજી સૌથી મોટી ભાગીદારી છે.

• ઇબ્રાહિમ ઝાદરાન: 118 બોલમાં 11 ચોગ્ગા અને 1 છગ્ગા સાથે 107 રન.
• સેદિકુલ્લાહ અટલ: 120 બોલમાં 17 ચોગ્ગા અને 4 છગ્ગા સાથે 143 રન.

આયર્લેન્ડની બેટિંગ ફ્લોપ, અફઘાન બોલરોનો જાદુ
344 રનના ટાર્ગેટ સામે આયર્લેન્ડના ઓપનર એન્ડ્ર્યુ બાલબર્નીએ શતક (109 રન) ફટકારીને લડત આપી હતી. જ્યારે કર્ટિસ કેમ્ફરે 46 બોલમાં 84 રનની તોફાની ઈનિંગ રમીને જીતની આશા જગાવી હતી. જોકે, કેમ્ફર આઉટ થતાં જ આખી ટીમ વિખેરાઈ ગઈ હતી.

Also Read

India vs Bangladesh : ટીમ ઈન્ડિયાના બાંગ્લાદેશ પ્રવાસ પર સંકટ! વિવાદ હજુ ઉકેલાયો નથી ત્યાં BCCIએ સરકારની મંજૂરી માટે લીધો મોટો નિર્ણય

અફઘાનિસ્તાન તરફથી યામેન અહમદઝાઈએ 4 વિકેટ, રાશિદ ખાને ૩ વિકેટ અને અઝમતુલ્લાહ ઓમરઝાઈએ 2 વિકેટ ઝડપીને આયર્લેન્ડને ધૂળ ચાટતી કરી હતી.

Also Read

અમદાવાદ-મુંબઈ બુલેટ ટ્રેનનું લેટેસ્ટ અપડેટ! 2027માં દોડશે પહેલી ટ્રેન, 508 કિમીના પ્રોજેક્ટમાં કેટલું કામ થયું? જાણો સંપૂર્ણ માહિતી