ભારત-અફઘાનિસ્તાન T20I શ્રેણીના ગ્લોબલ મીડિયા રાઇટ્સ પાકિસ્તાની કંપનીને! ભારતમાં Sony અને FanCode કરશે પ્રસારણ

ACBના સત્તાવાર નિવેદન મુજબ TransGroup આ શ્રેણીના Global Media Rights Syndication Partner તરીકે કામ કરશે. જોકે, તેનો અર્થ એવો નથી કે ભારતમાં મેચોના ટીવી અને ડિજિટલ પ્રસારણના તમામ અધિકાર સીધા પાકિસ્તાની કંપની પાસે રહેશે.

ભારતમાં FanCodeને સત્તાવાર સ્ટ્રીમિંગ પાર્ટનર બનાવવામાં આવ્યું છે. ટીવી અધિકારો માટે પણ અલગ વ્યવસ્થા કરવામાં આવી છે અને અહેવાલો મુજબ Sony Sports Networkએ ટીવી પેકેજ મેળવ્યું છે.

અફઘાનિસ્તાન હોસ્ટ, પરંતુ મેચો દિલ્હીમાં
આ શ્રેણીની સૌથી રસપ્રદ બાબત એ છે કે અફઘાનિસ્તાન સત્તાવાર રીતે યજમાન છે, પરંતુ ત્રણેય મેચ નવી દિલ્હીના અરુણ જેટલી ક્રિકેટ સ્ટેડિયમમાં રમાશે. ACB અને BCCIએ પુષ્ટિ કરી છે કે મેચો 13, 15 અને 17 સપ્ટેમ્બર 2026ના રોજ યોજાશે. અફઘાનિસ્તાન છેલ્લા કેટલાક વર્ષોથી પોતાના હોમ મેચો ભારત અને UAE જેવા વિદેશી સ્થળોએ રમે છે.

Also Read

યુવરાજ, આફ્રિદી અને એબી ડિવિલિયર્સ ફરી મેદાન ગજવશે! WCL સીઝન-3ની તારીખ જાહેર, 3થી 18 ઓક્ટોબર સુધી ધમાકેદાર મુકાબલા

T20I શ્રેણીનું સંપૂર્ણ શેડ્યૂલ

Also Read

નેપાળના જળપ્રલયે યાદ અપાવી આ 7 સુપરહિટ ફિલ્મો! કુદરતી આફતોના ખૌફનાક દૃશ્યો જોઈ ધ્રૂજી ઊઠશો

• 13 સપ્ટેમ્બર 2026: પ્રથમ T20I — અરુણ જેટલી સ્ટેડિયમ, દિલ્હી
• 15 સપ્ટેમ્બર 2026: બીજી T20I — અરુણ જેટલી સ્ટેડિયમ, દિલ્હી
• 17 સપ્ટેમ્બર 2026: ત્રીજી T20I — અરુણ જેટલી સ્ટેડિયમ, દિલ્હી

આ શ્રેણી અફઘાનિસ્તાન માટે ખાસ છે, કારણ કે ACB પ્રથમ વખત ભારત સામેની દ્વિપક્ષીય શ્રેણીનું સત્તાવાર યજમાન બની રહ્યું છે.

ભારતમાં મેચ ક્યાં જોઈ શકાશે?
ભારતીય દર્શકો માટે FanCode સત્તાવાર ડિજિટલ સ્ટ્રીમિંગ પાર્ટનર છે. ACBના સત્તાવાર નિવેદનમાં FanCodeનો ઉલ્લેખ કરવામાં આવ્યો છે, જ્યારે TransGroupને ગ્લોબલ મીડિયા રાઇટ્સ સિન્ડિકેશન પાર્ટનર તરીકે દર્શાવવામાં આવ્યું છે.

ટીવી પ્રસારણ માટે Sony Sports Networkએ અધિકાર મેળવ્યા હોવાના અહેવાલો સામે આવ્યા છે. એટલે પાકિસ્તાન સ્થિત કંપનીની ભૂમિકા મુખ્યત્વે ગ્લોબલ મીડિયા રાઇટ્સ સિન્ડિકેશન સાથે જોડાયેલી છે.

અફઘાનિસ્તાનની ટીમમાં મોટા નામો
અફઘાનિસ્તાન ક્રિકેટ બોર્ડે 24 ઓગસ્ટે શ્રેણી માટે ટીમની જાહેરાત કરી હતી. ઇબ્રાહિમ ઝદરાન ટીમનું નેતૃત્વ કરશે અને તે તેમની પ્રથમ પૂર્ણકાલીન T20I કેપ્ટન તરીકેની જવાબદારી હશે.

ટીમમાં રાશિદ ખાન, નૂર અહમદ, મોહમ્મદ નબી, રહમાનુલ્લાહ ગુરબાઝ અને નવીન-ઉલ-હક જેવા મહત્વના ખેલાડીઓનો સમાવેશ થાય છે. નવીન-ઉલ-હક ઈજામાંથી પરત ફર્યો છે.

છેલ્લી T20I શ્રેણીમાં ભારતનો ક્લીન સ્વીપ
ભારત અને અફઘાનિસ્તાન વચ્ચે છેલ્લી દ્વિપક્ષીય T20I શ્રેણી જાન્યુઆરી 2024માં રમાઈ હતી. ભારતે ત્રણેય મેચ જીતીને 3-0થી ક્લીન સ્વીપ કર્યું હતું. ત્રીજી મેચ ખાસ યાદગાર રહી હતી. બંને ટીમોએ 212 રન બનાવ્યા બાદ મેચ ટાઈ થઈ હતી અને ત્યારબાદ બીજી સુપર ઓવરમાં ભારતે રોમાંચક જીત મેળવી હતી.

તાજેતરમાં જૂન 2026માં પણ બંને ટીમો વચ્ચે મલ્ટી-ફોર્મેટ સિરીઝ રમાઈ હતી, જેમાં ભારતે એકમાત્ર ટેસ્ટ જીત્યા બાદ ત્રણ મેચની ODI શ્રેણીમાં અફઘાનિસ્તાનનો 3-0થી સફાયો કર્યો હતો.