IND vs ZIM T-20 : હરારેમાં રનનો વરસાદ થશે કે વિકેટો પડશે? ભારત-ઝિમ્બાબ્વે મેચ પહેલાં જાણો પીચનો રિપોર્ટ

ઇંગ્લેન્ડ સામેની T-20 અને ODI સીરીઝમાં પરાજયનો સામનો કર્યા બાદ, હવે ભારતીય ક્રિકેટ ટીમ ઝિમ્બાબ્વે સામે 3 મેચોની T-20 સીરીઝ રમવા માટે તૈયાર છે. આ સીરીઝની શરૂઆત 23 જુલાઈથી થવા જઈ રહી છે, જેમાં પ્રથમ મુકાબલો હરારે સ્પોર્ટ્સ ક્લબ ખાતે રમાશે.

સતત ત્રણ સીરીઝ ગુમાવી ચૂકેલી ભારતીય ટીમ હવે જીતનો આ સિલસિલો તોડીને વાપસી કરવાના ઇરાદા સાથે મેદાનમાં ઉતરશે. ત્યારે આવો જાણીએ કે પ્રથમ T-20 મેચ દરમિયાન હરારેની પીચનો મિજાજ કેવો રહેશે અને આ મેદાન પર ભારતનો ભૂતકાળનો રેકોર્ડ કેવો રહ્યો છે.

પહેલો T-20 મેચ હાઈ-સ્કોરિંગ મુકાબલો રહેશે
હરારે સ્પોર્ટ્સ ક્લબની પીચ સામાન્ય રીતે બેટરો માટે ખૂબ જ સાનુકૂળ માનવામાં આવે છે, જેથી ભારત અને ઝિમ્બાબ્વે વચ્ચેની પ્રથમ T-20 મેચમાં હાઈ-સ્કોરિંગ મુકાબલો જોવા મળી શકે છે. પીચ પર સારા બાઉન્સને કારણે બોલ બેટ પર ખૂબ જ સારી રીતે આવે છે,

Also Read

IND vs ZIM T-20 MATCH : ઇંગ્લેન્ડમાં ફ્લોપ રહ્યા બાદ પણ વૈભવને IND vs ZIM T-20 મેચમાં મળી જગ્યા, 23 જુલાઈથી શરુ થશે સીરીઝ

જેનાથી બેટરો માટે ચોગ્ગા-છગ્ગા ફટકારવા સરળ બનશે. જોકે, જેમ-જેમ મેચ આગળ વધશે તેમ પીચ ધીમી પડવાની શક્યતા છે, જેના કારણે રમત ઉત્તરોત્તર આગળ વધતાં સ્પિનરોને વળાંક અને મદદ મળવાની શરૂઆત થશે.

Also Read

Gujarat Kharif Sowing 2026 : ગુજરાતમાં 60% વાવેતર પૂર્ણ, ગત વર્ષ કરતાં 9% ઓછું; છૂટાછવાયા વરસાદથી ખેડૂતોને મળી રાહત

Hitting the ground running in Harare 🔛

🎥 Snippets from #TeamIndia‘s first training session ahead of the #ZIMvIND T20I series 🙌 pic.twitter.com/ErTaDWBugB

— BCCI (@BCCI) July 21, 2026

ઝિમ્બાબ્વે અહીં 12માંથી માત્ર 3 મેચ જીતી શક્યું
જો હરારેમાં ભારતીય ટીમના ભૂતકાળના પ્રદર્શન પર નજર કરીએ તો ટીમ ઇન્ડિયાનો દબદબો સ્પષ્ટપણે જોવા મળે છે. વર્ષ 2010થી અત્યાર સુધીમાં હરારે સ્પોર્ટ્સ ક્લબ ખાતે ભારત અને ઝિમ્બાબ્વે વચ્ચે કુલ 12 T-20 આંતરરાષ્ટ્રીય મેચો રમાઈ છે,

જેમાં ભારતે 9 મેચોમાં શાનદાર જીત મેળવી છે જ્યારે ઝિમ્બાબ્વે માત્ર 3 મેચ જીતી શક્યું છે. બંને ટીમો આ મેદાન પર છેલ્લે 14 જુલાઈ, 2024ના રોજ સામસામે આવી હતી, જ્યાં શુભમન ગિલની કપ્તાની હેઠળ ભારતીય ટીમે ઝિમ્બાબ્વેને 42 રને માત આપી હતી.

ભારત vs ઝિમ્બાબ્વે T-20નો ઇતિહાસ (હરારે ખાતે):

• 12 જૂન, 2010: ભારત 6 વિકેટે જીત્યું
• 13 જૂન, 2010: ભારત 7 વિકેટે જીત્યું
• 17 જુલાઈ, 2015: ભારત 54 રને જીત્યું
• 19 જુલાઈ, 2015: ઝિમ્બાબ્વે 10 રને જીત્યું
• 18 જૂન, 2016: ઝિમ્બાબ્વે 2 રને જીત્યું
• 20 જૂન, 2016: ભારત 10 વિકેટે જીત્યું
• 22 જૂન, 2016: ભારત 3 રને જીત્યું
• 6 જુલાઈ, 2024: ઝિમ્બાબ્વે 13 રને જીત્યું
• 7 જુલાઈ, 2024: ભારત 100 રને જીત્યું
• 10 જુલાઈ, 2024: ભારત 23 રને જીત્યું
• 13 જુલાઈ, 2024: ભારત 10 વિકેટે જીત્યું
• 14 જુલાઈ, 2024: ભારત 42 રને જીત્યું

ઝિમ્બાબ્વે પ્રવાસનું સંપૂર્ણ શિડ્યુલ:

• પ્રથમ T-20: 23 જુલાઈ, 2026
• બીજી T-20: 25 જુલાઈ, 2026
• ત્રીજી T-20: 26 જુલાઈ, 2026