શ્રીલંકા સામે ટેસ્ટ પહેલાં રવીન્દ્ર જાડેજાનો ‘પુષ્પા’ અવતાર વાયરલ, ‘ઝુકેગા નહીં’ સ્ટાઈલ જોઈ ફેન્સ થયા ફિદા

ભારત અને શ્રીલંકા વચ્ચે 15 ઓગસ્ટથી ગૉલમાં શરૂ થઈ રહેલી પ્રથમ ટેસ્ટ મેચ પહેલાં ભારતીય ટીમનો સ્ટાર ઓલરાઉન્ડર રવીન્દ્ર જાડેજા ફરી એકવાર પોતાના અલગ અને દેશી અંદાજને કારણે ચર્ચામાં આવ્યો છે.

કોલંબોમાં ભારતીય ટીમના સઘન પ્રેક્ટિસ સેશન બાદ જાડેજાએ સાઉથ સુપરસ્ટાર અલ્લુ અર્જુનની સુપરહિટ ફિલ્મ ‘પુષ્પા’નો મશહૂર ‘ઝુકેગા નહીં સાલા’ પોઝ રીક્રિએટ કર્યો હતો, જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

કેમેરા સામે બતાવ્યો આઇકોનિક સ્વેગ
પ્રેક્ટિસ સેશન પૂર્ણ થયા બાદ જ્યારે ભારતીય ખેલાડીઓ મેદાનની બહાર જઈ રહ્યા હતા ત્યારે જાડેજાએ કેમેરા તરફ જોઈને અલ્લુ અર્જુનના આઇકોનિક ‘પુષ્પા’ સ્ટાઇલમાં દાઢી પર હાથ ફેરવવાનો ઇશારો કર્યો હતો. ત્યાં હાજર લોકોએ આ ક્ષણને કેમેરામાં કેદ કરી લીધી હતી અને જોતજોતામાં

Also Read

બે વખતની વર્લ્ડ ચેમ્પિયન વેસ્ટ ઈન્ડિઝ મુશ્કેલીમાં! 2027 વર્લ્ડ કપની સીધી ટિકિટ ગઈ, હવે ક્વોલિફાયર રમવો પડશે

આ વીડિયો સોશિયલ મીડિયા પર છવાઈ ગયો હતો. ઉલ્લેખનીય છે કે, જાડેજા આ પહેલા પણ મેદાન પર વિકેટ લીધા બાદ અવારનવાર ‘પુષ્પા’ સેલિબ્રેશન કરતો જોવા મળ્યો છે. તેની તલવારબાજી વાળી તલવાર સેલિબ્રેશન જેટલી પ્રખ્યાત છે તેટલો જ લોકપ્રિય તેનો આ ‘પુષ્પા’ અંદાજ પણ બની ચૂક્યો છે.

Also Read

ઈડરની શાળામાં મધ્યાહન ભોજનમાંથી મૃત ગરોળી મળી! 37 બાળકોની તબિયત લથડી, ઉલટી-પેટદર્દ બાદ હોસ્પિટલમાં ખસેડાયા

વોર્મ-અપ મેચમાં બેટ અને બોલથી તહેલકો મચાવ્યો
શ્રીલંકા પ્રવાસની વોર્મ-અપ મેચમાં જાડેજાએ શાનદાર પ્રદર્શન કરીને પોતાની શ્રેષ્ઠ ફોર્મની સાબિતી આપી દીધી છે. તેણે શાનદાર બોલિંગ કરતા બંને ઇનિંગ્સમાં મળીને કુલ 4 વિકેટ ઝડપી હતી (પ્રથમ ઇનિંગ્સમાં 2/64 અને બીજી ઇનિંગ્સમાં 2/33). આ સિવાય બેટિંગમાં પણ ધમાકો કરતા પ્રથમ ઇનિંગ્સમાં 63 રન અને બીજી ઇનિંગ્સમાં 22 રનનું ઉપયોગી યોગદાન આપ્યું હતું. ગૉલ સ્ટેડિયમની સ્પિન-અનુકૂળ પીચ પર ભારતીય ટીમને જાડેજા પાસેથી મોટા પ્રદર્શનની આશા રહેશે.

ભારત વિરુદ્ધ શ્રીલંકા ટેસ્ટ સિરીઝ-2026નું સંપૂર્ણ શેડ્યૂલ

પ્રથમ ટેસ્ટ: 15-19 ઓગસ્ટ, 2026

• સ્થળ: ગૉલ ઇન્ટરનેશનલ સ્ટેડિયમ, ગૉલ
• સમય: સવારે 10.00 વાગ્યે (ભારતીય સમયાનુસાર)

બીજી ટેસ્ટ: 23-27 ઓગસ્ટ, 2026

• સ્થળ: સિંહલીઝ સ્પોર્ટ્સ ક્લબ (SSC), કોલંબો
• સમય: સવારે 10.00 વાગ્યે (ભારતીય સમયાનુસાર)

અપડેટેડ ભારતીય ટેસ્ટ ટીમ
શુભમન ગિલ (કેપ્ટન), કે.એલ. રાહુલ (વાઇસ-કેપ્ટન), યશસ્વી જેસ્વાલ, ઋષભ પંત (વિકેટકીપર), ધ્રુવ જુરેલ (વિકેટકીપર), રવીન્દ્ર જાડેજા, કુલદીપ યાદવ, માનવ સુથાર, મોહમ્મદ સિરાજ, પ્રસિદ્ધ ક્રિષ્ના, ગુરનૂર બ્રાર, દેવદત્ત પડિક્કલ, સારાંશ જૈન, આકિબ નબી, સરફરાઝ ખાન.