Googleની નવી ચમત્કારિક સર્વિસ ભારતમાં લોન્ચ! પ્રાઈવસી પર સંપૂર્ણ કંટ્રોલ મળશે

Google Personal Intelligence India launch : ગૂગલે આ વર્ષની શરૂઆતમાં આ ફીચર અમેરિકામાં લોન્ચ કર્યું હતું અને હવે તેને ભારતમાં પણ રજૂ કરવામાં આવ્યું છે. Gemini માટેનું આ પર્સનલ ઇન્ટેલિજન્સ ફીચર યુઝર્સને વધુ સ્માર્ટ અને ઉપયોગી સર્ચિંગ અનુભવ આપે છે. આ નવું ફીચર ગૂગલના એપ્સ જેમ કે Gmail, Google Photos, YouTube અને Google Searchમાંથી માહિતીને સુરક્ષિત રીતે જોડે છે. ત્યારબાદ તે યુઝરની પસંદગી પ્રમાણે જવાબ આપે છે.

ઉદાહરણથી સમજો તેની ઉપયોગીતા

ઉદાહરણ તરીકે, જો તમે જયપુર જવાનો પ્લાન બનાવો અને તેના વિશે સર્ચ કરો, તો આ ફીચર તમારા Gmailમાં આવેલા ટિકિટ અને હોટેલની માહિતી જોઈ શકે છે અને YouTube પર જોયેલા વીડિયોના આધારે તમને ફરવા માટે સૂચનો આપશે. સાથે જ સમય વિશે પણ માહિતી આપશે.

Also Read

WhatsAppમાં મોટો સુરક્ષા અપડેટ: હવે બીજા ડિવાઇસ પર લોગિન થાય તો મળશે ઇન્સ્ટન્ટ એલર્ટ!

આ પર્સનલ ઇન્ટેલિજન્સ ફીચર બે મુખ્ય ક્ષમતાઓ પર કામ કરે છે. પ્રથમ, તે અલગ-અલગ સોર્સમાંથી આવેલી જટિલ માહિતી સમજવા સક્ષમ છે. બીજું, તે જોડાયેલા એપ્સમાંથી ખાસ માહિતી શોધી શકે છે. આ સિસ્ટમ ટેક્સ્ટ, ફોટો અને વીડિયો ડેટાને એક સાથે જોડીને વધુ ચોક્કસ જવાબ આપવા પ્રયત્ન કરે છે.

Also Read

Suryakumar Yadav ટીમમાંથી બહાર થશે? Board of Control for Cricket in India લઈ શકે છે મોટો નિર્ણય!

યુઝર્સની પ્રાઇવસીનું સંપૂર્ણ ધ્યાન

ગૂગલનું કહેવું છે કે, આ ફીચર બનાવતી વખતે યુઝર્સની પ્રાઇવસીનું સંપૂર્ણ ધ્યાન રાખવામાં આવ્યું છે. આ ફીચર ડિફોલ્ટ રીતે બંધ હોય છે અને યુઝર્સે તેને જાતે ઓન કરવું પડે છે. યુઝર્સને સંપૂર્ણ નિયંત્રણ મળે છે કે કયા એપ્સમાંથી માહિતી લેવાય. ખાસ વાત એ છે કે આ સિસ્ટમ કોઈ થર્ડ-પાર્ટી એપ્સ સાથે ડેટા શેર કરતી નથી. તેમજ, AI સ્પષ્ટ રીતે બતાવી શકે છે કે જવાબ કયા સોર્સ પરથી આવ્યો છે.

મોડલ ટ્રેનિંગ

મોડલ ટ્રેનિંગ વિશે ગૂગલે સ્પષ્ટ કર્યું છે કે Gemini સીધું યુઝરના Gmail અથવા Photosના ડેટા પર ટ્રેન થતું નથી. ટ્રેનિંગ મર્યાદિત ડેટા પર થાય છે, જેમ કે યુઝરના પ્રોમ્પ્ટ અને AI દ્વારા આપવામાં આવેલા જવાબો પર. હાલનું વર્ઝન બીટા ફેઝમાં છે, તેથી તેમાં કેટલીક મર્યાદાઓ છે. ભારતમાં આ ફીચર હાલમાં માત્ર Google AI Plus, Pro અને Ultra સબ્સ્ક્રાઇબર્સ માટે ઉપલબ્ધ છે. જલ્દી જ તે ફ્રી યુઝર્સ માટે પણ ઉપલબ્ધ થશે. આ ફીચર વેબ અને સ્માર્ટફોન બંને પર કામ કરશે.

AI પર્સનલાઇઝેશન કેવી રીતે ઓન કરવું?

ગૂગલની પર્સનલ ઇન્ટેલિજન્સ સુવિધા ચાલુ કરવી ખૂબ જ સરળ છે. લાયક વપરાશકર્તાઓએ જેમિની એપ્લિકેશન ખોલવાની જરૂર પડશે, પછી સેટિંગ્સ પર નેવિગેટ કરવાની જરૂર છે. આગળ, “પર્સનલ ઇન્ટેલિજન્સ” પર ક્લિક કરો અને પછી “કનેક્ટેડ એપ્સ” પસંદ કરો.