WhatsAppમાં મોટો સુરક્ષા અપડેટ: હવે બીજા ડિવાઇસ પર લોગિન થાય તો મળશે ઇન્સ્ટન્ટ એલર્ટ!

અત્યાર સુધી WhatsAppમાં એકાઉન્ટની સુરક્ષા તપાસવા માટે યુઝર્સએ વારંવાર સેટિંગ્સમાં જઈને “લિંક્ડ ડિવાઇસ” વિભાગ ચેક કરવો પડતો હતો. આ પ્રક્રિયા કંટાળાજનક હોવાથી મોટાભાગના લોકો તેને તપાસવાનું ટાળતા હતા,

જેનો ફાયદો ઉઠાવીને ઘણીવાર અન્ય વ્યક્તિઓ એકાઉન્ટ એક્સેસ કરી લેતી હતી. મેટાના નવા અપડેટ બાદ હવે તમારે વારંવાર સેટિંગ્સ તપાસવાની જરૂર રહેશે નહીં. નવી સિસ્ટમ આપમેળે તમારી એકાઉન્ટ પ્રવૃત્તિ પર નજર રાખશે અને શંકાસ્પદ હલચલ થતાં જ તમને સૂચિત કરશે.

ઓફિસ કે સાયબર કાફેમાં લોગ-આઉટ ભૂલી જનારા માટે વરદાન

Also Read

Driving દરમિયાન મેસેજિંગ થશે સરળ: WhatsAppએ લોન્ચ કરી CarPlay એપ

આજકાલ ‘WhatsApp વેબ’ અને મલ્ટી-ડિવાઇસ સપોર્ટને કારણે લોકો ઓફિસ કમ્પ્યુટર અથવા જાહેર સ્થળોએ સાયબર કાફેમાં પોતાનું એકાઉન્ટ લોગ-ઇન કરે છે. ઘણીવાર ઉતાવળમાં લોકો લોગ-આઉટ કરવાનું ભૂલી જતા હોય છે, જેના કારણે તેમની ગોપનીય માહિતી જોખમમાં મુકાય છે.

Also Read

વિદેશ પ્રવાસ હવે સરળ! Indiaના નાગરિકો વિઝા વિના જઈ શકશે 56 દેશોમાં

નવી સુવિધા હેઠળ, જ્યારે તમે તમારા પ્રાથમિક ફોનનો ઉપયોગ કરી રહ્યા હોવ અને તે જ સમયે અન્ય કોઈ લિંક કરેલા કમ્પ્યુટર પર તમારું WhatsApp એક્સેસ કરવાનો પ્રયાસ કરશે, તો તમારા ફોન પર તુરંત એલર્ટ આવશે. આનાથી તમે ઘરે બેઠા જ તે ઉપકરણમાંથી લોગ-આઉટ કરીને તમારા એકાઉન્ટને સુરક્ષિત કરી શકશો.

સ્માર્ટ નોટિફિકેશન સિસ્ટમ

રિપોર્ટ અનુસાર, આ ફીચરને અત્યંત સ્માર્ટ બનાવવામાં આવ્યું છે જેથી યુઝર બિનજરૂરી સૂચનાઓથી પરેશાન ન થાય. આ સુવિધા ત્યારે જ સક્રિય થશે જ્યારે તમારું મુખ્ય ઉપકરણ (પ્રાથમિક ફોન) અને લિંક કરેલું બીજું ઉપકરણ એકસાથે ઓનલાઇન હશે.

જો તમે પોતે જ બીજા ડિવાઇસ પર WhatsApp વાપરી રહ્યા છો અને તમારો ફોન બંધ છે અથવા તમે તેનો ઉપયોગ નથી કરી રહ્યા, તો કોઈ સૂચના દેખાશે નહીં. આ સિસ્ટમ ખાસ કરીને ‘એકસાથે થતી પ્રવૃત્તિ’ (Simultaneous Activity) ને ટાર્ગેટ કરે છે, જે સામાન્ય રીતે એકાઉન્ટ હેક થવાની સ્થિતિમાં જોવા મળે છે.

સુરક્ષાના નવા આયામો

WhatsAppની આ નવી સુરક્ષા સુવિધા હાલમાં ડેવલપમેન્ટ સ્ટેજમાં છે અને ટૂંક સમયમાં બીટા ટેસ્ટર્સ માટે બહાર પાડવામાં આવશે. સુરક્ષા નિષ્ણાતોનું માનવું છે કે આ ફીચરથી પર્સનલ ચેટ્સ અને ડેટાની ચોરી અટકાવવામાં મોટી સફળતા મળશે. વોટ્સએપના આ નવા કદમથી હવે યુઝર્સ વધુ નિશ્ચિંત થઈને મલ્ટી-ડિવાઇસ સપોર્ટનો લાભ લઈ શકશે.