શું Tim Cook છોડી રહ્યા છે Apple? John Ternusના CEO બનવાના સમાચાર પર સવાલ

એપલના નવા સીઈઓ તરીકે નિયુક્ત થયેલા જોન ટર્નસ છેલ્લા 25 વર્ષથી વધુ સમયથી કંપની સાથે જોડાયેલા છે. હાલમાં તેઓ એપલના હાર્ડવેર એન્જિનિયરિંગ વિભાગના વડા છે. આઈફોન, આઈપેડ અને મેકબુક જેવા પ્રોડક્ટ્સના આધુનિક હાર્ડવેર પાછળ ટર્નસની ભૂમિકા અત્યંત મહત્વની રહી છે. કંપનીના આંતરિક વર્તુળોમાં તેમને એક મજબૂત નેતા અને ટેકનિકલ માસ્ટરમાઇન્ડ માનવામાં આવે છે.

ઓપરેશન્સથી લઈને 3 ટ્રિલિયન ડોલર સુધીની સફર
ટિમ કૂક 1998માં એપલમાં જોડાયા હતા. તે સમયે કંપની આર્થિક કટોકટીનો સામનો કરી રહી હતી. સ્ટીવ જોબ્સે કૂકને કંપનીની સપ્લાય ચેઈન અને ઓપરેશન્સ સુધારવા માટે ખાસ જવાબદારી સોંપી હતી. 2005 થી 2011 સુધી ચીફ ઓપરેટિંગ ઓફિસર (COO) તરીકે રહીને તેમણે આઈપોડ અને આઈફોન જેવા ઉત્પાદનોને વૈશ્વિક સ્તરે પહોંચાડવા માટે જબરદસ્ત નેટવર્ક તૈયાર કર્યું.

કૂકના નેતૃત્વમાં એપલની સફળતા
સ્ટીવ જોબ્સના નિધન બાદ જ્યારે ટિમ કૂકે સીઈઓ પદ સંભાળ્યું, ત્યારે ઘણાને શંકા હતી કે તેઓ જોબ્સ જેવી ક્રાંતિ લાવી શકશે કે નહીં. પરંતુ કૂકે પોતાની ક્ષમતા સાબિત કરી બતાવી. તેમના કાર્યકાળમાં એપલ વોચ, એરપોડ્સ, અને તાજેતરમાં એપલ વિઝન પ્રો લોન્ચ થયા. કંપનીએ ઈન્ટેલ પર નિર્ભરતા ઘટાડી પોતાની M1, M2 અને M3 ચિપ્સ બનાવી. આઈક્લાઉડ, એપલ મ્યુઝિક અને એપલ ટીવી પ્લસ દ્વારા કંપનીની આવકના નવા સ્ત્રોત ઊભા કર્યા. ટિમ કૂકના નેતૃત્વમાં એપલ $3 ટ્રિલિયનના મૂલ્યાંકન સુધી પહોંચનારી વિશ્વની પ્રથમ કંપની બની.

Also Read

AI પર અંધ વિશ્વાસ ન કરો! સંશોધનમાં ખુલ્યું – અડધા મેડિકલ જવાબો ખોટા

1 સપ્ટેમ્બરથી નવી શરૂઆત
65 વર્ષીય ટિમ કૂક હવે એક્ઝિક્યુટિવ ચેરમેન તરીકે સ્ટ્રેટેજી અને કંપનીના ભવિષ્યના આયોજનો પર ધ્યાન કેન્દ્રિત કરશે. 1 સપ્ટેમ્બરથી જોન ટર્નસ સીઈઓ તરીકે જ્યારે કમાન સંભાળશે, ત્યારે તેમની સામે AI (આર્ટિફિશિયલ ઇન્ટેલિજન્સ) ના યુગમાં એપલનું વર્ચસ્વ જાળવી રાખવાનો સૌથી મોટો પડકાર હશે. નિષ્ણાતોના મતે, એપલમાં આ ફેરફાર અત્યંત આયોજનબદ્ધ છે. ટિમ કૂકે એપલને માત્ર એક ગેજેટ કંપની મટીને એક લક્ઝરી અને સર્વિસ બ્રાન્ડ બનાવી દીધી છે. હવે જોન ટર્નસ આ વિરાસતને કઈ ઊંચાઈ પર લઈ જાય છે તેના પર આખી દુનિયાની નજર રહેશે.

Also Read

Bhoot Bangla vs Dhurandhar 2: શું અક્ષય કુમારની હોરર કોમેડી આપશે ટક્કર?