‘ભાગો… ભાગો!’ની બૂમથી મચી નાસભાગ! ભાવનગરમાં જુગાર રમતા 3 યુવકો કૂવામાં ખાબક્યા, કરુણ મોત

મળતી માહિતી મુજબ, ઉખલા ગામના વાડી વિસ્તારમાં મોડી રાત્રે આશરે 11 જેટલા યુવકો એકઠા થયા હતા. અહીં તેઓ જુગાર રમી રહ્યા હોવાની પ્રાથમિક માહિતી સામે આવી છે. દરમિયાન અચાનક કોઈ કારણસર ‘ભાગો-ભાગો’ની બૂમો પડતાં ત્યાં હાજર યુવકોમાં નાસભાગ મચી ગઈ હતી. આ દરમિયાન ત્રણ યુવકો કૂવામાં ખાબકી ગયા હતા. કૂવામાં પડી જવાથી ત્રણેયના મોત નીપજ્યા હતા.

મૃતક યુવકોના નામ

આ ઘટનામાં મોતને ભેટેલા ત્રણ યુવકોની ઓળખ થઈ છે.

Also Read

ગાંધીનગરમાં હાઈપ્રોફાઈલ જુગારધામ પર પોલીસનો સપાટો! ₹1.04 કરોડનો મુદ્દામાલ જપ્ત, 11 જુગારીઓ ઝડપાયા

• રાહુલ ચૌહાણ
• નિલેશ ડાભી
• અજીતસિંહ

ઘટનાની જાણ થતાં જ મૃતકોના પરિવારજનો અને મોટી સંખ્યામાં ગ્રામજનો હોસ્પિટલ ખાતે પહોંચી ગયા હતા. પરિવારજનોના આક્રંદથી હોસ્પિટલ પરિસરમાં ગમગીની છવાઈ ગઈ હતી.

Also Read

T20ના ધમાકા બાદ હવે ટેસ્ટની પરીક્ષા! વૈભવ સૂર્યવંશીએ લીધી 6 દિવસની સ્પેશિયલ ક્લાસ, કોચે કરી 300 રનની મોટી ભવિષ્યવાણી

વરતેજ પોલીસે તપાસ શરૂ કરી
ઘટનાની જાણ થતાં વરતેજ પોલીસની ટીમ ઘટનાસ્થળે પહોંચી હતી. પોલીસને વાડી વિસ્તારમાં મૃતદેહો પડ્યા હોવાની માહિતી મળતાં તપાસ હાથ ધરવામાં આવી હતી. સ્થળ પરથી ત્રણ યુવકોના મૃતદેહ મળી આવ્યા હતા.

પોલીસે સમગ્ર ઘટનાની તપાસ શરૂ કરી છે અને યુવકો મોડી રાત્રે વાડી વિસ્તારમાં કયા કારણોસર એકઠા થયા હતા તે સહિતના તમામ પાસાઓ તપાસવામાં આવી રહ્યા છે.