Groundwater : ગુજરાતમાં ભૂગર્ભજળનું સંકટ ઘેરાયું! 22થી વધુ તાલુકામાં બેફામ ઉપયોગ, કયા વિસ્તારો સૌથી વધુ જોખમમાં?

રાજ્યના મોટા ભાગના તાલુકાઓમાં ભૂગર્ભજળની સ્થિતિ હાલમાં સલામત હોવાનું જણાવાયું છે, પરંતુ અનેક તાલુકાઓમાં પાણીના વધુ પડતા ઉપાડને કારણે સ્થિતિ ગંભીર બની રહી છે. અહેવાલ મુજબ કેટલાક તાલુકાઓને ‘સેમિ-ક્રિટિકલ’ અને કેટલાકને ‘ક્રિટિકલ’ શ્રેણીમાં મૂકવામાં આવ્યા છે.

કયા વિસ્તારોમાં ભૂગર્ભજળનો વધુ ઉપયોગ?
અહેવાલ અનુસાર બનાસકાંઠા, દાંતીવાડા, ડીસા, દિયોદર, કાંકરેજ, વડગામ, દહેગામ, ગાંધીનગર, માણસા, કલોલ, પાટણ, ચાણસ્મા, મહેસાણા, બહેચરાજી, ખેરાલુ, બાવળા અને અમદાવાદ સહિતના વિસ્તારોમાં ભૂગર્ભજળના વધુ પડતા ઉપાડ અંગે ચિંતા વ્યક્ત કરવામાં આવી છે. ખેતી માટેના બોરવેલ, ઔદ્યોગિક ઉપયોગ અને અન્ય જરૂરિયાતો માટે સતત ભૂગર્ભજળ ખેંચવામાં આવતાં કુદરતી રિચાર્જની પ્રક્રિયા પર પણ અસર પડી રહી છે.

કેટલાક તાલુકાઓ ‘ક્રિટિકલ’ શ્રેણીમાં
સરકારી આંકડા મુજબ રાજ્યના 31 તાલુકાઓને ‘સેમિ-ક્રિટિકલ’ એટલે કે અર્ધ-જોખમી શ્રેણીમાં મૂકવામાં આવ્યા છે, જ્યારે 3 તાલુકાઓ ‘ક્રિટિકલ’ શ્રેણીમાં છે. આ વિસ્તારોમાં ભૂગર્ભજળના ઉપયોગ અને ઉપલબ્ધતા વચ્ચેનું સંતુલન જાળવવું પડકારરૂપ બની રહ્યું છે. ભૂગર્ભજળનો ઉપાડ સતત વધતો રહેશે અને તેની સામે પૂરતું રિચાર્જ નહીં થાય તો આગામી વર્ષોમાં પાણીની ઉપલબ્ધતા પર ગંભીર અસર થઈ શકે છે.

Also Read

Fire Incident In Gandhinagar : સચિવાલયમાં આગની ઘટના! ગાંધીનગરના બ્લોક-9ના બેઝમેન્ટમાં ધુમાડો ફેલાતાં ફાયર ટીમ દોડી આવી

12 તાલુકામાં પાણીમાં ખારાશની ચિંતા
ભૂગર્ભજળના સ્તરમાં ઘટાડા સાથે કેટલાક વિસ્તારોમાં પાણીની ગુણવત્તા અંગે પણ ચિંતા વ્યક્ત કરવામાં આવી છે. ઉત્તર ગુજરાત સહિતના આશરે 12 તાલુકાઓમાં ભૂગર્ભજળમાં ક્ષારનું પ્રમાણ વધવાની સમસ્યા નોંધાઈ છે. ભૂગર્ભજળનું સ્તર ઘટતાં કેટલાક વિસ્તારોમાં ક્ષારયુક્ત પાણી જમીનમાં પ્રવેશવાની શક્યતા વધી શકે છે, જેના કારણે પીવાના પાણીની ગુણવત્તા પણ પ્રભાવિત થઈ શકે છે.

Also Read

Haiwaan : 18 વર્ષ બાદ ‘મેં ખિલાડી તૂ અનાડી’ જોડી ઇઝ બેક, ‘હૈવાન’ના ટીઝરની રિલીઝ ડેટ જાહેર