LPG Price Hike : તહેવારો પહેલા જ મોટો ઝટકો! કોમર્શિયલ LPG સિલિન્ડર ₹62.50 મોંઘો, બહારનું જમવાનું પડશે ભારે

નવરાત્રી અને દિવાળીના તહેવારો પહેલાં જ 19 કિલોના કોમર્શિયલ LPG સિલિન્ડરના ભાવમાં રૂ. 62.50નો વધારો કરવામાં આવ્યો છે.

સતત બીજા મહિને કોમર્શિયલ LPG મોંઘો
કોમર્શિયલ LPGના ભાવમાં સતત બીજા મહિને વધારો થયો છે. આ ભાવવધારાની સીધી અસર હોટેલ, રેસ્ટોરન્ટ, ઢાબા અને કેટરિંગ વ્યવસાય સાથે સંકળાયેલા વેપારીઓ પર પડી શકે છે. ગેસના ખર્ચમાં વધારો થતાં તેમના પ્રોડક્શન કોસ્ટમાં વધારો થશે અને તેની અસર ગ્રાહકોને મળતા ખાદ્યપદાર્થોના ભાવ પર પણ જોવા મળી શકે છે.

દિલ્હીમાં સિલિન્ડરનો ભાવ રૂ. 2,810
ભાવવધારા બાદ દેશના મોટા શહેરોમાં 19 કિલોના કોમર્શિયલ સિલિન્ડરના નવા ભાવ લાગુ થયા છે. દિલ્હીમાં કોમર્શિયલ LPG સિલિન્ડર રૂ. 62.50 મોંઘો થઈને હવે રૂ. 2,810 પર પહોંચી ગયો છે. સપ્ટેમ્બરની શરૂઆતમાં પણ દિલ્હીમાં કોમર્શિયલ સિલિન્ડરના ભાવમાં રૂ. 9.50નો વધારો થયો હતો.

Also Read

Sugar price : દશેરા-દિવાળી પહેલાં ખાંડના ભાવ પર સરકારનો મોટો નિર્ણય! 14 લાખ ટનનો નવો ક્વોટા, આ 3 રાજ્યોમાં સૌથી વધુ સપ્લાય

પટનામાં સૌથી મોંઘો કોમર્શિયલ સિલિન્ડર
બિહારની રાજધાની પટનામાં કોમર્શિયલ LPG સિલિન્ડરનો ભાવ દેશના પ્રમુખ શહેરોમાં સૌથી ઊંચો છે. અહીં 19 કિલોના સિલિન્ડરની કિંમત રૂ. 3,029થી વધીને હવે રૂ. 3,100.50 થઈ ગઈ છે. ઓઈલ માર્કેટિંગ કંપનીઓ દર મહિનાની 1લી તારીખે LPGના ભાવની સમીક્ષા કરે છે. આ સમીક્ષા બાદ 1 ઓક્ટોબરથી નવા દર અમલી બન્યા છે.

Also Read

Ruhani Sharma : વિરાટ-અનુષ્કા સાથે શું છે રૂહાની શર્માનું કનેક્શન? ‘જીજુ’ કહીને ચર્ચામાં આવેલી એક્ટ્રેસ વિશે જાણો ખાસ વાતો

ઘરેલુ LPG સિલિન્ડરના ભાવમાં કોઈ ફેરફાર નહીં
કોમર્શિયલ LPG સિલિન્ડરના ભાવમાં વધારો થયો છે, પરંતુ ઘરેલુ વપરાશના 14.2 કિલોના LPG સિલિન્ડરના ભાવમાં કોઈ ફેરફાર કરવામાં આવ્યો નથી. જોકે, તેમાં પણ કોઈ ઘટાડો કરવામાં આવ્યો નથી એટલે ગૃહિણીઓને ભાવવધારામાંથી કોઈ નવી રાહત મળી નથી. હાલ દિલ્હીમાં 14.2 કિલોના ઘરેલુ LPG સિલિન્ડરની કિંમત રૂ. 942, મુંબઈમાં રૂ. 941.50, ચેન્નાઈમાં રૂ. 957.50 અને કોલકાતામાં રૂ. 968 છે. આ શહેરોમાં ઘરેલુ LPG સિલિન્ડર જૂના ભાવે જ ઉપલબ્ધ રહેશે.