‘ઘીસ ઘીસ ઘીસ’ ગીતના શૂટિંગ વખતે અક્ષય કુમારે લીધો અક્ષરા સિંહનો પક્ષ, જાણો સેટ પરનો રસપ્રદ કિસ્સો | Akshay Kumar take a stand for Akshara singh know how and when

Akshay Kumar and Akshara Singh: બોલિવૂડ અને ભોજપુરી ફિલ્મ ઈન્ડસ્ટ્રીનું આ દિવસોમાં અનોખું મિલન જોવા મળી રહ્યું છે અને આ ચર્ચાનું સૌથી મોટું કારણ બની છે ભોજપુરી સ્ટાર અક્ષરા સિંહ. અક્ષય કુમારની આગામી ફિલ્મ ‘વેલકમ ટુ ધ જંગલ’નું ગીત ‘ઘીસ ઘીસ ઘીસ’ હાલમાં જ રિલીઝ થયું છે જેમાં અક્ષરા સિંહ અને અક્ષય કુમારની જોડીએ ઈન્ટરનેટ પર ધમાલ મચાવી દીધી છે. ગીતનો દેશી અંદાજ, ભોજપુરી ફ્લેવર અને બંને કલાકારોની શાનદાર એનર્જી દર્શકોને ખૂબ જ પસંદ આવી રહી છે. આ બધાની વચ્ચે અક્ષરા સિંહે શૂટિંગ સેટનો એક એવો રસપ્રદ કિસ્સો શેર કર્યો છે, જેમાં સુપરસ્ટાર અક્ષય કુમારે તેની કમ્ફર્ટ માટે સ્ટેન્ડ લીધું હતું.

અક્ષરા સિંહ ભોજપુરી ઈન્ડસ્ટ્રીનું ખૂબ જ મોટું નામ છે અને સોશિયલ મીડિયા પર પણ તેની જબરદસ્ત ફેન ફોલોઈંગ છે. તાજેતરમાં આપેલા એક ઈન્ટરવ્યુમાં અક્ષરાએ ખુલાસો કર્યો હતો કે આ ગીતના શૂટિંગ દરમિયાન અક્ષય કુમારે તેને ખૂબ જ સપોર્ટ કર્યો હતો. આ ગીતની ખાસ વાત એ છે કે તેમાં બોલિવૂડના ખિલાડી અક્ષય કુમાર પણ ભોજપુરી ગીત પર દેશી ઠુમકા લગાવતા જોવા મળી રહ્યા છે.

Also Read

ડોન-3 વિવાદમાં બોલિવૂડના ‘ભાઈજાન’ની એન્ટ્રી! રણવીર સિંહ અને ફરહાન અખ્તર વચ્ચે સલમાન ખાનની મધ્યસ્થી | Salman Khan Mediates Between Ranveer Singh and Farhan Akhtar Over Don 3 Dispute

અક્ષય કુમારે લીધો અક્ષરાનો પક્ષ

Also Read

વિનેશ ફોગાટ એશિયન ગેમ્સ ટ્રાયલ્સમાં ભાગ લેવા સુપ્રીમ કોર્ટની મંજૂરી, જો કે ડોપિંગ ટેસ્ટ ચૂકી જવા બદલ ઉઠાવ્યા ગંભીર સવાલ | Supreme Court Clears Vinesh Phogat For Asian Games Trials But Questions Missed Doping Test

ગીતના શૂટિંગ વખતે ફિલ્મની ટીમ ઈચ્છતી હતી કે અક્ષરા સિંહ ભોજપુરી સિનેમાની જૂની ઈમેજ મુજબ ‘ઘાઘરા-ચોલી’ પહેરે. પરંતુ અક્ષરા આ આઉટફિટમાં બિલકુલ કમ્ફર્ટેબલ નહોતી અનુભવી રહી. અક્ષરાએ જણાવ્યું કે ટીમે જ્યારે આ ડિમાન્ડ કરી ત્યારે તેના ચહેરાના હાવભાવ બદલાઈ ગયા હતા. અક્ષય કુમારે તરત જ આ બાબત નોટિસ કરી અને અક્ષરાની વહારે આવ્યા. અક્ષયે ટીમ સામે અક્ષરાનો પક્ષ લેતા સ્પષ્ટ શબ્દોમાં કહી દીધું કે, “તે જે કપડાંમાં કમ્ફર્ટેબલ હોય, તેને એ જ પહેરવા દેવામાં આવે.” અક્ષયના આ સપોર્ટના કારણે અક્ષરા ખૂબ જ પ્રભાવિત થઈ હતી.

ગીતનો સાચો અર્થ સમજવાનો પ્રયત્ન કરતો હતો અક્ષય

અક્ષય કુમારના વખાણ કરતા અક્ષરા સિંહે જણાવ્યું કે, આટલા મોટા સુપરસ્ટાર હોવા છતાં અક્ષય કુમાર ડાઉન-ટુ-અર્થ માણસ છે. શૂટિંગ દરમિયાન અક્ષય સતત તેની પાસેથી ભોજપુરી શબ્દોના સાચા ઉચ્ચારણ વિશે પૂછતા રહેતા હતા જેથી કરીને ગીતમાં ભાષા સબંધી કોઈ ભૂલ ન રહી જાય.

‘ઘીસ ઘીસ ઘીસ’ ગીત રિલીઝ થતાની સાથે જ સોશિયલ મીડિયા પર જોરદાર વાયરલ થઈ ગયું છે. આ ગીતમાં બોલિવૂડ અને ભોજપુરી મ્યુઝિકનું જબરદસ્ત ફ્યુઝન જોવા મળી રહ્યું છે, જેને ફેન્સ ખૂબ જ એન્ટરટેઈનિંગ ગણાવી રહ્યા છે. જો કે, કેટલાક લોકો ગીતના શબ્દો અને સ્ટાઈલને લઈને સોશિયલ મીડિયા પર રમુજી પ્રતિક્રિયાઓ પણ આપી રહ્યા છે.

આ પણ વાંચો: “બધું પહેલેથી પ્લાન હતું…” કો-સ્ટાર આકાંક્ષા ચમોલાએ લગાવેલા અસહજતાના આરોપો પર કુંવર અમરનો વળતો પ્રહાર

26 જૂને સિનેમાઘરોમાં રિલીઝ થશે ફિલ્મ

મલ્ટીસ્ટારર ફિલ્મ ‘વેલકમ ટુ ધ જંગલ’ પોતાની ભવ્ય સ્ટારકાસ્ટ અને કોમેડી અંદાજને કારણે લાંબા સમયથી હેડલાઈન્સમાં છે. આ ફિલ્મમાં અક્ષય કુમારની સાથે બોલિવૂડના અનેક દિગ્ગજ કલાકારો સ્ક્રીન શેર કરતા જોવા મળશે. ફિલ્મનું ટીઝર પહેલેથી જ દર્શકોને ઘણું પસંદ આવી ચૂક્યું છે. અક્ષય અને અક્ષરાના આ વાયરલ ગીતે ફિલ્મ પ્રત્યેનો ક્રેઝ વધુ વધારી દીધો છે. આ મોસ્ટ અવેટેડ ફિલ્મ 26 જૂન 2026ના રોજ સિનેમાઘરોમાં દસ્તક આપવા જઈ રહી છે.