Rishabh Pant Uttarakhand : રિષભ પંતને અડધી રાતે શું થયું? CMની મદદ કેમ લેવી પડી, દિલ્હી છોડવાની તૈયારી શા માટે?

રિષભ પંતે પોતાની પોસ્ટમાં જણાવ્યું કે તેઓ ઉત્તરાખંડ સાથે ઊંડો સ્થાનિક સંબંધ ધરાવે છે અને પોતાના રાજ્યને ખૂબ પ્રેમ કરે છે. તેમ છતાં, અત્યાર સુધી તેમને એવી યોગ્ય અને પૂરતી મોટી જમીન મળી નથી જ્યાં તેઓ પોતાનું ઘર બનાવી શકે. પંતના જણાવ્યા અનુસાર, જમીન મેળવવાની સમગ્ર પ્રક્રિયા તેમના માટે મુશ્કેલ બની ગઈ છે અને તેમાં જરૂરી સ્પષ્ટતાનો પણ અભાવ જોવા મળી રહ્યો છે. આ કારણે તેમણે હવે સીધી રીતે રાજ્યના મુખ્યમંત્રી સમક્ષ આ મામલો ઉઠાવ્યો છે.

‘મારા પહાડી લોકો વચ્ચે પાછો ફરવા માગું છું’
પંતે પોતાની લાગણી વ્યક્ત કરતાં કહ્યું કે તેઓ પોતાના મૂળ સાથે જોડાવા અને પોતાના ‘પહાડી લોકો’ વચ્ચે પાછા ફરવા માગે છે. સાથે જ તેઓ ઉત્તરાખંડના વિકાસમાં પોતાનું યોગદાન આપવા ઈચ્છે છે. પંતે મુખ્યમંત્રી ધામીને અગાઉ ઉત્તરાખંડને પ્રમોટ કરતી વખતે જમીન અંગે થયેલી વાતચીત અને મળેલા આશ્વાસનોની પણ યાદ અપાવી છે. હવે તેઓ ઈચ્છે છે કે આ પ્રક્રિયાને સ્પષ્ટ રીતે આગળ વધારવામાં આવે.

સરકારી દરે જમીન ખરીદવા તૈયાર
રિષભ પંતે સરકાર સમક્ષ એક સ્પષ્ટ પ્રસ્તાવ પણ મૂક્યો છે. તેમણે કહ્યું, કે જો રાજ્ય સરકાર તેમને જમીન ઉપલબ્ધ કરાવવાની મંજૂરી આપે તો તેઓ નિર્ધારિત સરકારી દરે જમીન ખરીદવા માટે તૈયાર છે. પંત માટે ઉત્તરાખંડમાં ઘર બનાવવું માત્ર મિલકત ખરીદવાનો મામલો નથી, પરંતુ પોતાના મૂળ સાથે ફરી જોડાવાની ઈચ્છા પણ છે. તેમણે મુખ્યમંત્રીને આ મામલે ગંભીરતાથી ધ્યાન આપવા અને આગળની પ્રક્રિયા અંગે માર્ગદર્શન આપવા અપીલ કરી છે.

Also Read

Shubman Gill thumb injury : શું ઈજાના કારણે ટેસ્ટ સીરિઝમાંથી બહાર થઈ શકે શુભમન ગિલ? ટીમ ઈન્ડિયાની વધી ચિંતા!

Also Read

Kirti Patel detained: શું કીર્તિ પટેલની મુશ્કેલીઓ હવે વધુ વધશે? ત્રીજા કેસમાં પોલીસે કોર્ટમાં કરી રજૂ!