અનેક રાજ્યોમાં કરમુક્ત કરાવ્યા છતાં પણ ભારત ભાગ્ય વિધાતા ફલોપ | Despite being tax free in many states Bharat Bhagya Vidhata is a flop

– કંગનાની ફિલ્મે પહેલાં વીકમાં પાંચ કરોડ રળ્યા  

– સતત ફલોપ ફિલ્મો આપી રહેલી કંગના હવે ક્વિન ટુ સફળ બનાવવા આકાશપાતાળ એક કરશે     

Also Read

કોકટેઈલ-ટુમાં તુમ્હી હો બંધુનાં રિમેક્સને ચાહકોએ કચરો ગણાવ્યું | Fans call Tumhi Ho Bandhu remix in Cocktail 2 rubbish

મુંબઇ : ‘ક્વિન’ નામની સોલો હીટ આપી હિન્દી ફિલ્મ જગતમાં પોતાનું સ્થાન જમાવનારી હિરોઇન કંગના રનૌત હવે તેની ડૂબતી કારકિર્દીને બચાવવા ફરી ‘ક્વિન ટુ’ના શરણે જવું પડે તેવા સંજોગો નિર્માણ થયા છે. કંગના રનૌતે જેના પર મોટો મદાર રાખ્યો હતો તે ‘ભારત ભાગ્ય વિધાતા’ ફિલ્મ એક અઠવાડિયામાં ગણીને પાંચ કરોડ રૂપિયાનો જ વકરો કરી શકી હોઇ તે મોટી ફલોપ પુરવાર થઇ રહી છે.

Also Read

રામમંદિરના જૂના CCTV ફૂટેજ ગાયબ, 45 દિવસનું જ બેકઅપ, દાન ચોરી મામલે SITની મુશ્કેલી વધી | Ram Mandir Theft Case: SIT Faces Challenge Due to 45 Days CCTV Backup Limit

 ફિલ્મને ઘણા રાજ્યોમાં ટેક્સ ફ્રી કરાવવામાં આવી હોવા છતાં તે દર્શકોમાં લોકપ્રિય બની શકી નથી. મુંબઇમાં ૨૬-૧૧ના થયેલાં આતંકી હુમલાની પશ્ચાદભૂમાં આકાર લેતી ફિલ્મમાં હોસ્પિટલના કર્મચારીઓ કેવી રીતે દર્દીઓનું રક્ષણ કરે છે તે દર્શાવવામાં આવ્યું છે. 

સૂત્રોના જણાવ્યા અનુસાર કંગનાની છેલ્લી હીટ ફિલ્મ એક દાયકા અગાઉ આવેલી ‘તનુ વેડ્સ મનુ’ હતી. જો કે કંગનાની આ છેલ્લી ફિલ્મે ‘મણિકર્ણિકા ઃ ધ ક્વિન ઓફ ઝાંસી’ કરતાં સારો બિઝનેસ કર્યો છે. કંગનાની ૨૦૨૫માં આવેલી ‘ઇમરજન્સી’માં તેણે ઇન્દિરા ગાંધીની ભૂમિકા ભજવી હતી. તેણે આ ફિલ્મનું નિર્માણ અને નિર્દેશન બંને કર્યા હતા પણ આ ફિલ્મ પણ હીટ નીવડી નહોતી. 

હવે કંગનાનો બધો આધાર ‘ક્વિન ટુ’ અને ‘સર્કલ’ નામની ફિલ્મો પર રહેલો છે. હાલ જે રીતે કંગનાની એક પછી એક ફિલ્મો ફલોપ જઇ રહી છે ત્યારે આ ફિલ્મોને કેવી સફળતા મળે છે તેના પર કંગનાની કારકિર્દીનો આધાર રહેલો છે.