‘Jailer 2’નું ધમાકેદાર ટ્રેલર OUT! રજનીકાંતનો સ્વેગ, વિદ્યા બાલનનો દમદાર અવતાર અને મિથુન-મોહનલાલની એન્ટ્રી

‘જેલર’ની સફળતા બાદ રજનીકાંત હવે તેની સીક્વલ સાથે મોટા પડદા પર પરત ફરી રહ્યા છે. ફિલ્મના ટ્રેલરમાં રજનીકાંત ઉપરાંત વિદ્યા બાલન, મિથુન ચક્રવર્તી અને મોહનલાલની પણ ઝલક જોવા મળી છે.

એક્શનથી ભરપૂર છે ટ્રેલર
2 મિનિટ 24 સેકન્ડના ટ્રેલરમાં રજનીકાંત ફરી એકવાર દમદાર એક્શન અવતારમાં જોવા મળે છે. ટ્રેલરમાં મારધાડ અને નાના-મોટા એક્શન સીન સાથે રજનીકાંતનો સ્વેગ પણ જોવા મળે છે.

ટ્રેલર પરથી લાગી રહ્યું છે કે રજનીકાંત ફરી એકવાર પોતાના દુશ્મનો સામે જોરદાર અંદાજમાં ટક્કર લેતા જોવા મળશે. ફિલ્મને લઈને ચાહકોમાં પહેલેથી જ ભારે ઉત્સુકતા છે અને ટ્રેલરે તેને વધુ વધારી દીધી છે.

Also Read

‘દ્રશ્યમ 3’ની કમાણીનો તોફાન ચાલુ! સોમવારના કલેક્શનમાં પણ જમાવ્યો સિક્કો, ‘ધ વન’ સહિત કોની કેટલી કમાણી?

વિદ્યા બાલનની માત્ર 9 સેકન્ડની ઝલક
ટ્રેલરની સૌથી વધુ ચર્ચા વિદ્યા બાલનની ઝલકને લઈને થઈ રહી છે. બોલિવૂડ અભિનેત્રી સાડીમાં જોવા મળે છે અને હાથમાં સિગારેટ સાથે તેનો લુક એકદમ દમદાર લાગે છે. ટ્રેલરમાં વિદ્યા બાલનનો સીન માત્ર 9 સેકન્ડનો છે,

Also Read

Virat Kohli Bollywood : ક્રિકેટ બાદ બોલિવૂડમાં વિરાટ કોહલીની એન્ટ્રી? રાહુલ દ્રવિડે ખોલ્યું મોટું રહસ્ય, કહ્યું- ‘તે મિમિક્રીમાં છે જબરદસ્ત!’

પરંતુ આટલા ઓછા સમયમાં પણ તે લાઈમલાઈટ લઈ જાય છે. તે રજનીકાંતને પૂછે છે, ‘કોફી કે ચા?’ ત્યારબાદ તે પોતાના અલગ જ અંદાજમાં વાત કરતી જોવા મળે છે. વિદ્યાની આ નાની ઝલક જોઈને ફિલ્મમાં તેનું પાત્ર ખૂબ જ મહત્વનું અને દમદાર હોવાની અટકળો શરૂ થઈ છે.

તેને ફિલ્મમાં મુખ્ય વિલનના રોલમાં જોવામાં આવશે તેવી ચર્ચા પણ થઈ રહી છે.

મિથુન ચક્રવર્તી અને મોહનલાલ પણ દેખાયા
‘જેલર 2’ના ટ્રેલરમાં બે મોટા સુપરસ્ટારની પણ ઝલક જોવા મળી છે. મિથુન ચક્રવર્તી વ્હીલચેર પર બેઠેલા જોવા મળે છે, જ્યારે મોહનલાલનો પણ ટ્રેલરમાં નાનકડો સીન જોવા મળે છે.

રજનીકાંત સાથે વિદ્યા બાલન, મિથુન ચક્રવર્તી અને મોહનલાલ જેવા દિગ્ગજ કલાકારોની હાજરીએ ફિલ્મની ચર્ચા વધુ વધારી છે. હવે ફિલ્મ રિલીઝ થયા બાદ આ સ્ટાર્સના પાત્રો દર્શકો પર કેટલી અસર છોડી શકે છે તે જોવું રસપ્રદ રહેશે.