Gujju Love Guru Family Help : 3.50 કરોડની મદદ બાદ પરિવાર માટે મોટો નિર્ણય, કોના નામે કેટલી FD? જાણો સંપૂર્ણ હિસાબ

ગુજરાતમાં લોકપ્રિય બનેલા કન્ટેન્ટ ક્રિએટર ‘ગુજ્જુ લવ ગુરુ’ ઉર્ફે ચંદન રાઠોડના અકાળે અવસાન બાદ તેમના પરિવારને મોટી આર્થિક સહાય મળી છે. પરિવારની આર્થિક સ્થિતિને ધ્યાનમાં રાખીને ₹2 કરોડની સહાય એકત્ર કરવાનો લક્ષ્યાંક રાખવામાં આવ્યો હતો,

પરંતુ ચાહકો અને દાતાઓ તરફથી મળેલી મદદ આ રકમ કરતાં ઘણી વધારે થઈ છે. અત્યાર સુધી ઓનલાઇન માધ્યમથી પરિવારને ₹2.96 કરોડની સહાય મળી છે,

જ્યારે વિદેશી કરન્સીમાં 1,873 ડોલર પણ મળ્યા હોવાનું જણાવાયું છે. પરિવારને મળેલી સહાયના ઉપયોગ અંગે યોજાયેલી પ્રેસ કોન્ફરન્સમાં આ માહિતી જાહેર કરવામાં આવી હતી.

Also Read

Mehsana : “એ જીગર… તું તારા મા-બાપનું તો વિચાર!” મહિલા પોલીસકર્મીની વાત દિલ સુધી પહોંચી, કલાકોની સમજાવટ બાદ યુવકનો જીવ બચ્યો

કોના નામે કેટલી FD કરવામાં આવી?
મળેલી સહાયમાંથી પરિવારના અલગ-અલગ સભ્યોના નામે FD કરવાની જોગવાઈ કરવામાં આવી છે. ચંદન રાઠોડના પિતાના નામે ₹40 લાખ, ભાઈના નામે ₹1 કરોડ અને પત્નીના નામે ₹41 લાખની FD કરવામાં આવી છે. બંને બાળકોના નામે ₹41-41 લાખની, જ્યારે બંને બહેનોના નામે ₹11-11 લાખની FD કરવામાં આવી છે.

Also Read

LPG Subsidy Aadhaar e-KYC : ગેસ સિલિન્ડર પર સબસિડી મેળવવી છે? આજે જ કરાવી લો e-KYC, નહીં તો અટકી શકે લાભ

દીકરાના નામે જમીન ખરીદાશે
પરિવાર માટે કરવામાં આવેલી અન્ય જોગવાઈમાં ચંદન રાઠોડના દીકરાના નામે જમીન ખરીદવાનો નિર્ણય લેવાયો છે. આ જમીન માટે ₹53.71 લાખનો ખર્ચ કરવામાં આવશે.

₹2 કરોડના ટાર્ગેટ સામે ₹3.60 કરોડથી વધુ સહાય
ચંદન રાઠોડના પરિવારની આર્થિક સ્થિતિને ધ્યાનમાં રાખીને સેવાભાવી અગ્રણીઓ દ્વારા શરૂઆતમાં ₹2 કરોડની સહાય એકત્ર કરવાનો લક્ષ્યાંક નક્કી કરવામાં આવ્યો હતો. જોકે, ગુજરાત ઉપરાંત દેશ-વિદેશમાં રહેતા તેમના ચાહકો અને દાતાઓએ મોટી સંખ્યામાં સહાય કરતાં આ રકમ અંદાજે ₹3.60 કરોડને વટાવી ગઈ છે.