UPમાં પૂરનો કહેર! પ્રયાગરાજમાં 3 ફૂટ પાણીમાં ઘરો ગરકાવ, ઓડિશામાં 312 વિદ્યાર્થીઓ ફસાયા; બચાવ કામગીરી તેજ

ઉત્તર પ્રદેશના અનેક શહેરોમાં સતત વરસાદને કારણે પૂર જેવી સ્થિતિ સર્જાઈ છે. પ્રયાગરાજની વિવિધ કોલોનીઓમાં 3થી 4 ફૂટ સુધી પાણી ભરાઈ ગયું છે. રસ્તાઓ પર ઊભેલી કાર અને બાઈક પાણીમાં ડૂબી ગઈ છે, જ્યારે અનેક ઘરોના ગ્રાઉન્ડ ફ્લોરમાં પાણી ઘૂસી જતાં લોકો પ્રથમ માળે રહેવા મજબૂર બન્યા છે. સ્થિતિને ધ્યાનમાં રાખીને પોલીસ અને NDRFની ટીમો બોટ દ્વારા અસરગ્રસ્ત વિસ્તારોમાં પહોંચી રહી છે અને લોકોને સુરક્ષિત સ્થળે ખસેડવાની કામગીરી કરી રહી છે.

ઓડિશામાં શાળામાં 312 વિદ્યાર્થી ફસાયા
ઓડિશાના કેન્દ્રપાડા જિલ્લામાં કુલસાહી ગામની સરકારી SC/ST આશ્રમ શાળામાં 312 વિદ્યાર્થીઓ અને 10 શિક્ષકો બે દિવસથી ફસાયેલા છે. બ્રાહ્મણી નદીના પાણીથી શાળાનો ગ્રાઉન્ડ ફ્લોર ડૂબી ગયો છે. શાળા ચારે તરફથી લગભગ 10 ફૂટ પાણીથી ઘેરાયેલી છે. પાણીનો પ્રવાહ ભારે હોવાથી અત્યાર સુધી બચાવ ટીમો ત્યાં પહોંચી શકી નથી. વિદ્યાર્થીઓ અને શિક્ષકોને સુરક્ષિત બહાર કાઢવા માટે પ્રશાસન દ્વારા પ્રયાસો કરવામાં આવી રહ્યા છે.

ઓડિશામાં 5 લાખ લોકો પૂરથી પ્રભાવિત
ઓડિશાના અનેક જિલ્લાઓમાં પૂરની સ્થિતિ ગંભીર બની છે. રાજ્યમાં અંદાજે 5 લાખ લોકો પ્રભાવિત થયા છે. પ્રશાસને અત્યાર સુધીમાં 2.37 લાખથી વધુ લોકોને સુરક્ષિત સ્થળે ખસેડીને લગભગ 300 રાહત શિબિરોમાં પહોંચાડ્યા છે. ભદ્રક અને જાજપુર સૌથી વધુ અસરગ્રસ્ત જિલ્લાઓમાં સામેલ છે. બૈતરણી, બ્રાહ્મણી, સાલંદી, જલકા અને બુધબલંગા નદીઓમાં આવેલા પૂરને કારણે અનેક વિસ્તારોમાં જનજીવન પ્રભાવિત થયું છે.

Also Read

અશોકધામ મંદિરમાં કરંટની અફવાથી નાસભાગ! 7 શ્રદ્ધાળુઓના મોત, અનેક ઘાયલ; ઘટનાથી મચી અફરાતફરી

Also Read

ગાંધીનગરમાં હાઈપ્રોફાઈલ જુગારધામ પર પોલીસનો સપાટો! ₹1.04 કરોડનો મુદ્દામાલ જપ્ત, 11 જુગારીઓ ઝડપાયા